മാനന്തവാടി: നിയോജക മണ്ഡലത്തിലെ വയോജന ദിനാചരണം മാനന്തവാടി ഡബ്ല്യൂ. എസ്.എസ്.എസ് ഹാളില്‍ ഒ.ആര്‍ കേളു എം.എല്‍.എ ഉദ്ഘാടനം ചെയ്തു.
ചടങ്ങില്‍ നഗരസഭാ ചെയര്‍മാന്‍ വി.ആര്‍ പ്രവീജ് അധ്യക്ഷനായി. വ്യത്യസ്ത മേഖലകളില്‍ കഴിവ് തെളിയിച്ച 10 വയോജനങ്ങളെ ചടങ്ങില്‍ ആദരിച്ചു. മാനന്തവാടി ബ്ലോക്ക് പഞ്ചായത്ത വൈസ് പ്രസിഡന്റ് കെ.ജെ പൈലി, ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍മാന്‍ കെ.കെ.സി മൈമൂന, മാനന്തവാടി നഗരസഭ വികസനകാര്യ സ്റ്റാന്‍ഡിങ് കമ്മിറ്റി ചെയര്‍മാന്‍ പി.ടി ബിജു, മാനന്തവാടി നഗരസഭ ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍മാന്‍ ശാരദ സജീവന്‍, പനമരം സി.ഡി.പി.ഒ ഒ.എസ് രാജാംബിക തുടങ്ങിയയവര്‍ സംസാരിച്ചു.