മേപ്പാടി: വയനാട് റോഡ് സേഫ്റ്റി വളണ്ടിയേഴ്‌സും ഡി.എം വിംസ് മെഡിക്കല്‍ കോളജും സംയുക്തമായി ബേസിക്ക് ലൈഫ് സപ്പോര്‍ട്ടിങ് പരിശീലന ക്യാംപ് സംഘടിപ്പിച്ചു.
വിംസ് മെഡിക്കല്‍ കോളജില്‍ നടന്ന പരിപാടി കല്‍പ്പറ്റ ജോയന്റ് ആര്‍.ടി.ഒ മനോജ് ഉദ്ഘാടനം ചെയ്തു. ഡി.എം വിംസ് ചീഫ് അഡ്മിനിസ്‌ട്രേറ്റര്‍ കെ.ടി ദേവാനന്ദ് അധ്യക്ഷനായി. അഡ്മിനിസ്‌ട്രേറ്റര്‍ ശിവകുമാര്‍.
മേപ്പാടി ഗവ.പോളിടെക്‌നിക് പ്രിന്‍സിപ്പല്‍ സി.ജെ സുരേഷ് കുമാര്‍, മേപ്പാടി പൊലിസ് സബ് ഇന്‍സ്‌പെക്ടര്‍ പി ജിതേഷ്, വിംസ് ഓപ്പറേറ്റിങ് ഓഫിസര്‍ ജീസ്സം മാത്യു, പോളിടെക്‌നിക്ക് ഇലക്ട്രോണിക്ക് വിഭാഗം ലക്ചറര്‍ ഷിജു നന്ദകുമാര്‍, എന്‍.എസ്.എസ് പ്രോഗ്രാം ഓഫിസര്‍ ജയപ്രസാദ്,
റോഡ് സേഫ്റ്റി വളണ്ടിയര്‍ പി കുഞ്ഞിമുഹമ്മദ് മേപ്പാടി, വിംസ് മെഡിക്കല്‍ കോളജ് മെഡിക്കല്‍ സൂപ്രണ്ട് ഡോ. മനോജ് നാരായണന്‍, അസിസ്റ്റന്റ് നഴ്‌സിങ് സൂപ്രണ്ട് ഗിരീഷ് ഉണ്ണികൃഷ്ണന്‍.
ജയപ്രകാശ് കല്‍പ്പറ്റ സംസാരിച്ചു.
വയനാട് റോഡ് സേഫ്റ്റി വളണ്ടിയേഴ്‌സ് എല്ലാ മാസവും രണ്ടാമത്തെയും നാലാമത്തെയും ബുധനാഴ്ചകളില്‍ കല്‍പ്പറ്റ ആര്‍.ടി.ഒ ഓഫിസില്‍ വച്ച് പരിശീലനം നല്‍കി വരുന്നതിന്റെ ഭാഗമായാണ് വിംസ് മെഡിക്കല്‍ കോളജില്‍ പരിശീലനം സംഘടിപ്പിച്ചത്.