ചെറുവത്തൂര്‍: മികച്ച മദ്‌റസ അവാര്‍ഡ് നേട്ടത്തിലൂടെ നാടിന്റെ യശസുയര്‍ത്തിയ ഹയാത്തുല്‍ ഇസ്‌ലാം മദ്‌റസയ്ക്കു നാടിന്റെ അനുമോദനം. സമസ്ത കേരള ഇസ് ലാം മത വിദ്യാഭ്യാസ ബോര്‍ഡിന്റെ പ്രഥമ കോട്ടുമല ബാപ്പു മുസ്‌ലിയാര്‍ അവാര്‍ഡാണ് ചന്തേര ഹയാത്തുല്‍ ഇസ്‌ലാം മദ്‌റസയെ തേടിയെത്തിയത്. ചന്തേര മുസ്‌ലിം സാംസ്‌കാരിക നിലയം, ബദറുല്‍ ഹുദ കള്‍ച്ചറല്‍ സെന്റര്‍, മാണിയാട്ട് ചങ്ങാതിക്കൂട്ടം വാട്‌സ്ആപ് ഗ്രൂപ്പ് എന്നിവയുടെ നേതൃത്വത്തിലാണ് മദ്‌റസ മുഅല്ലിമീങ്ങള്‍ക്കും ജമാത്ത് കമ്മറ്റി ഭാരവാഹികള്‍ക്കുമുള്ള അനുമോദന സമ്മേളനവും പ്രാര്‍ഥന സദസും സംഘടിപ്പിച്ചത്. എസ്. വൈ.എസ് ജില്ലാ പ്രസിഡന്റ് ടി.കെ പൂക്കോയ തങ്ങള്‍ ഉദ്ഘാടനം ചെയ്തു. എം.ടി.പി അബ്ദുള്‍ കരീം മൗലവി അധ്യക്ഷനായി. മാണിയൂര്‍ അഹമ്മദ് മൗലവി ഉപഹാര സമര്‍പ്പണം നടത്തി. എസ്.കെ.എസ്.എസ്.എഫ് സംസ്ഥാന വൈസ് പ്രസിഡന്റ് ജി.എം സ്വലാഹുദ്ദീന്‍ ഫൈസി വല്ലപ്പുഴ മുഖ്യപ്രഭാഷണം നടത്തി. എന്‍.സി കുഞ്ഞിമുഹമ്മദ് മുസ്‌ലിയാര്‍ സംബന്ധിച്ചു.
മുഹമ്മദ് ഷഫീഖ് തങ്ങള്‍ പ്രാര്‍ഥന നടത്തി. എ.ജി മുഹമ്മദ് കുഞ്ഞിഹാജി, നിഷാം പട്ടേല്‍, വി.പി രാജീവന്‍, എ.പി.പി കുഞ്ഞഹമ്മദ്, സി.ടി അബ്ദുല്‍ ഖാദര്‍ ഹാജി, സി. എം.എ ജലീല്‍, മുഹമ്മദ് കുഞ്ഞിമാസ്റ്റര്‍, വിനയന്‍ പിലിക്കോട്, ബാലചന്ദ്രന്‍ എരവില്‍, എം.എ മജീദ് ഹാജി, എം.കെ ഇസ്മാഈല്‍ ഹാജി, എം.ടി.പി സുലൈമാന്‍ ഹാജി, ടി.വി.പി അബ്ദുല്‍ ഖാദര്‍, ഒ.ടി അബ്ദു റൗഫ് മൗലവി, ടി.കെ അബ്ദുള്‍ സത്താര്‍ ഹാജി തുടങ്ങിയവര്‍ സംസാരിച്ചു. പ്രാര്‍ഥന സദസിനു മാണിയൂര്‍ അഹമ്മദ് മൗലവി നേതൃത്വം നല്‍കി.