കാസര്‍കോട്: ചരിത്ര പ്രസിദ്ധമായ കാസര്‍കോട് മാലിക് ദീനാര്‍ മഖാം ഉറൂസിന് ഭക്തി നിര്‍ഭരമായ തുടക്കം. ഈ മാസം 11 വരെ നടക്കുന്ന ഉറൂസ് ചടങ്ങില്‍ കേരളത്തിലെ പ്രമുഖ പ്രഭാഷകര്‍ സംബന്ധിക്കും. വിവിധ ദിവസങ്ങളിലായി പ്രവാസി സംഗമം, മാലിക് ദീനാര്‍ അക്കാദമി പാരന്റ് മീറ്റ്, സനദ് ദാന സമ്മേളനം, ഉലമാ ഉമറാ സംഗമം, ചരിത്ര സെമിനാര്‍ തുടങ്ങിയവ നടക്കും. ഉറൂസ് ചടങ്ങിന്റെ തുടക്കം കുറിച്ച് ഇന്നലെ രാവിലെ പത്തിനു മഖാം സിയാറത്ത് നടന്നു. മാലിക് ദീനാര്‍ വലിയ ജുമാ മസ്ജിദ് ഖത്വീബ് അബ്ദുല്‍ മജീദ് ബാഖവി നേതൃത്വം നല്‍കി. ഉറൂസ് കമ്മിറ്റി ചെയര്‍മാന്‍ യഹ്‌യ തളങ്കര, യു.എം അബ്ദുല്‍ റഹ്മാന്‍ മുസ്‌ലിയാര്‍, അബ്ദുല്‍ ഹമീദ് ഫൈസി, ജി.എസ് അബ്ദുല്‍ റഹ്മാന്‍ മദനി, എ. അബ്ദുല്‍ റഹ്മാന്‍, ടി.ഇ അബ്ദുല്ല, മുജീബ് റഹ്മാന്‍ നിസാമി, ഡോ.സലീം നദ്‌വി, കെ.എ.എം ബഷീര്‍ തുടങ്ങിയ പ്രമുഖരും ഒട്ടനവധി വിശ്വാസികളും സംബന്ധിച്ചു.
വൈകുന്നേരം ഏഴിനു നടന്ന ഭക്തി സാന്ദ്രമായ മജ്‌ലിസുന്നൂര്‍ സദസിനു സമസ്ത ജനറല്‍ സെക്രട്ടറിയും കാസര്‍കോട് സംയുക്ത ജമാഅത്ത് ഖാസിയുമായ പ്രൊ. കെ. ആലിക്കുട്ടി മുസ്‌ലിയാര്‍ നേതൃത്വം നല്‍കി. പ്രമുഖ പണ്ഡിതരും വിശ്വാസികളും സംബന്ധിച്ചു. തുടര്‍ന്നു നടന്ന ഉറൂസ് ചടങ്ങിന്റെ ഉദ്ഘാടനം സമസ്ത പ്രസിഡന്റും കാഞ്ഞങ്ങാട് സംയുക്ത ജമാഅത്ത് ഖാസിയുമായ സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ നിര്‍വഹിച്ചു.
ഉറൂസ് കമ്മിറ്റി പ്രസിഡന്റ് യഹ്‌യ തളങ്കര അധ്യക്ഷനായി. പ്രൊ.കെ. ആലിക്കുട്ടി മുസ്‌ലിയാര്‍, എം.ടി അബ്ദുല്ല മുസ്‌ലിയാര്‍ തുടങ്ങിയവര്‍ സംസാരിച്ചു. ഹസ്സന്‍ സഖാഫി പൂക്കോട്ടൂര്‍ മത പ്രഭാഷണം നടത്തി. കീഴൂര്‍ മംഗളൂരു ദക്ഷിണ കന്നഡ ജില്ലാ ഖാസി ത്വാഖ അഹമ്മദ് അല്‍ അസ്ഹരി, സിദ്ധീഖ് നദ്‌വി ചേരൂര്‍, ഉമര്‍ മൗലവി, ഹാഫിസ് അബ്ദുല്‍ ബാസിത്, മുഹമ്മദ് മുസ്‌ലിയാര്‍,മുക്രി ഇബ്രാഹിം ഹാജി, കെ.എം അബ്ദുല്‍ ഹമീദ് ഹാജി, കെ.എം അബ്ദുല്‍ റഹ്മാന്‍, അബ്ദുല്‍ കരീം സിറ്റി ഗോള്‍ഡ്, കെ.എച്ച് അശ്‌റഫ്, കെ.എസ് മുഹമ്മദ് കുഞ്ഞി ഹാജി, ഹസൈനാര്‍ ഹാജി തളങ്കര, എന്‍.കെ. അമാനുള്ള, ഉറൂസ് കമ്മിറ്റി ജന. സെക്രട്ടറി എ. അബ്ദുല്‍ റഹ്മാന്‍ ടി.എ ഷാഫി തുടങ്ങിയവര്‍ സംബന്ധിച്ചു.