കാസര്‍കോട്: പ്രമുഖ മതപണ്ഡിതനും സമസ്ത സീനിയര്‍ ഉപാധ്യക്ഷനും ചെമ്പരിക്ക മംഗളൂരു ഖാസിയുമായിരുന്ന സി.എം അബ്ദുല്ല മൗലവിയുടെ കൊലപാതകവുമായി ബന്ധപ്പെട്ട് ഇന്ന് ജുമുഅക്കു ശേഷം സംയുക്ത ജമാഅത്തില്‍ അംഗങ്ങളായിട്ടുള്ള മുഴുവന്‍ മഹല്ലുകളിലും പ്രകടനം നടത്തണമെന്നു സംയുക്ത ജമാഅത്ത് ജനറല്‍ സെക്രട്ടറി കല്ലട്ര മാഹിന്‍ ഹാജി അറിയിച്ചു. ഖാസിയുടെ കൊലപാതകവുമായി ബന്ധപ്പെട്ടുണ്ടായ പുതിയ വെളിപ്പെടുത്തലുകള്‍ കേസന്വേഷണ പരിധിയില്‍ കൊണ്ടു വരണമെന്നാവശ്യപ്പെട്ടാണ് അംഗ മഹല്ലുകളില്‍ പ്രകടനം നടത്തേണ്ടത്.
കീഴൂര്‍, കളനാട്, മേല്‍പറമ്പ് എന്നീമഹല്ലുകളിലെ ആളുകള്‍ ജുമുഅക്ക് ശേഷം മേല്‍പറമ്പിലെത്തി മേല്‍പറമ്പില്‍ നിന്നു കളനാട് വരെയുള്ള പ്രകടനത്തില്‍ പങ്കെടുക്കണമെന്നും അദ്ദേഹം അറിയിച്ചു.