പന്തീരങ്കാവ്: ഹരിത കേരളത്തിന് യുവതയുടെ കയ്യൊപ്പ് എന്ന ആശയവുമായി ആയിരം അടുക്കളത്തോട്ടവുമായി കുന്ദമംഗലം മണ്ഡലം മുസ്‌ലിം യൂത്ത് ലീഗ് ആരംഭിച്ച അടുക്കള പച്ച പദ്ധതിയുടെ ഒളവണ്ണ പഞ്ചായത്ത് തല ഉദ്ഘാടനം പൂളേങ്കരയില്‍ ഗാന രചയിതാവ് രമേശ് കാവില്‍ നിര്‍വഹിച്ചു.
ചീര, വെണ്ട, കൈപ്പ, പച്ചമുളക്, പയര്‍, തുടങ്ങിയ വിളകളാണ് കൃഷി ചെയ്യുന്നത്. പൂര്‍ണമായും ജൈവവളവും ജൈവ പച്ചക്കറിയും ഉപയോഗിച്ച് വിളയിക്കുന്ന പച്ചക്കറി ജനുവരി 15ന് ശേഖരിച്ച് ചേവായൂര്‍ വൃദ്ധസദനത്തിന് കൈമാറും.ഓരോ പഞ്ചായത്തിലും മികച്ച അടുക്കളത്തോട്ടം നിര്‍മിച്ച വ്യക്തിക്ക് ഒരു ഗോള്‍ഡ് കോയിന്‍ സമ്മാനമായി നല്‍കും. പഞ്ചായത്ത് യൂത്ത് ലീഗ് പ്രസിഡന്റ് ജംനാസ് കെ അധ്യക്ഷനായി. കെ.എന്‍.എ കോയ, പി ഷംസുദ്ധീന്‍, ടി.പി.എം സാദിക്ക്, ഹല്ലാദ് എന്‍ പി, അബ്ദുല്‍ റഹൂഫ് എം സംബന്ധിച്ചു.