താമരശ്ശേരി: ഉത്തരേന്ത്യന്‍ സംസ്ഥാനങ്ങളില്‍ ദാരിദ്ര്യം അനുഭവിക്കുന്ന ഗ്രാമീണര്‍ക്കിടയില്‍ നടത്തുന്ന വസ്ത്രവിതരണ പദ്ധതിയിലേക്ക് കൊടുവള്ളി സി.എച്ച്.ഗവ.ആര്‍ട്‌സ് കോളജ് എന്‍.എസ്.എസ് വളന്റിയര്‍മാര്‍ ശേഖരിച്ച വസ്ത്രങ്ങള്‍ ഹെല്‍ത്ത് കെയര്‍ ഫൗണ്ടേഷന് കൈമാറി.
പ്രിന്‍സിപ്പാള്‍ ഡോ.അജിതകുമാരിയില്‍ നിന്നും ഫൗണ്ടേഷന്‍ പ്രോഗ്രാം ചെയര്‍മാന്‍ സി.പി റഷീദ് കൈപ്പറ്റി. കണ്‍വീനര്‍ സി.പി ജമാല്‍, എന്‍.എസ്.എസ് പ്രോഗ്രാം ഓഫിസര്‍ അബ്ദുല്‍ ലത്തീഫ് ,ഡോ.സജിത കിനിപ്പുറത്ത്, സറീജ് കാഞ്ഞിര, വൈശാഖ് എന്നിവര്‍ സംബന്ധിച്ചു.