കുന്ദമംഗലം: ജീവകാരുണ്യ പ്രവര്‍ത്തകനും റിയാദ് ശഖ്‌റ കെ.എം.സി.സി പ്രസിഡന്റുമായ കുന്ദമംഗലംചൂലാം വയല്‍ അമ്പലപറമ്പില്‍ അബ്ദുറസാഖിന്റെ മരണം ചൂലാം വയല്‍ പ്രദേശത്തെ ദുഃഖത്തിലാഴ്ത്തി. കഴിഞ്ഞ തിങ്കളാഴ്ച്ച രാവിലെ ശഖ്‌റയിലെ താമസസ്ഥലത്ത് കൂടെയുള്ളവര്‍ ജോലിക്ക് പോകാന്‍ വിളിച്ചപ്പോയാണ് ഹൃദയാഘാതം മൂലം മരിച്ചതായി അറിഞ്ഞത്. കെ.എം.സി.സി ജീവകാരുണ്യ വിഭാഗം ചെയര്‍മാന്‍ സിദ്ധീക്കിന്റേയും മറ്റും നേതൃത്വത്തില്‍ രേഖകള്‍ ശരിപ്പെടുത്തി മയ്യിത്ത് ഇന്നലെ പുലര്‍ച്ചയോടെ വീട്ടില്‍ എത്തിക്കുകയായിരുന്നു. മുസ്‌ലിം ലീഗ് സംസ്ഥാന സിക്രട്ടറി എം.സി മായിന്‍ ഹാജി, സി.എച്ച് സെന്റര്‍ സിക്രട്ടറി എം.എ റസാക്ക് മാസ്റ്റര്‍, ദളിത് ലീഗ് സംസ്ഥാന പ്രസിഡന്റ് യു.സി രാമന്‍ തുടങ്ങി നിരവധി പേര്‍ വീട്ടില്‍ എത്തി അനുശോചനം അറിയിച്ചു. ചൂലാം വയല്‍ ചേര്‍ന്ന മുസ്‌ലിം ലീഗ് അനുശോചനം യോഗത്തില്‍ പഞ്ചായത്ത് മുസ്‌ലിം ലീഗ് പ്രസിഡന്റ് ഒ ഉസ്സയിന്‍, വാര്‍ഡ് മെമ്പര്‍ എ.കെ ഷൗക്കത്തലി, എ.കെ ഉസ്സയിന്‍, പി മൊയ്തീന്‍, നാസര്‍ ഫൈസി കൂടത്തായി, ഒ.കെ ഷൌക്കത്തലി, എ.പി അഷ്‌റഫ്,എ.പി അബ്ദുല്‍ ലത്തീഫ്, വി റിയാസ് ,എ.കെ താജുദ്ദീന്‍ അലി സംസാരിച്ചു.