പഴയങ്ങാടി: മാട്ടൂലില്‍ വന്‍ മണല്‍വേട്ട. രണ്ട് മണല്‍കടത്ത് വാഹനങ്ങള്‍ പിടികൂടി. ഇന്ന് പുലര്‍ച്ചയോടെയാണ് മാട്ടൂല്‍ ആറുതെങ്ങില്‍ വച്ച് രണ്ട് ഓട്ടോ ട്രക്ക് പിടികൂടിയത്. വാഹനത്തിലുള്ളവര്‍ ഓടി രക്ഷപ്പെടുന്നത് തടയാന്‍ ശ്രമിച്ച പഴയങ്ങാടി എസ്.ഐ പി.ബി സജീവിന്റെ കാലിന് പരുക്കേറ്റു. വാഹനങ്ങള്‍ സ്റ്റേഷനിലേക്ക് മാറ്റി. കഴിഞ്ഞമാസം 15ലേറെ മണല്‍ ലോറികള്‍ പിടികൂടിയിരുന്നു. പ്രദേശത്ത് മണല്‍കടത്ത് വ്യാപകമാണെന്ന പരാതിയെ തുടര്‍ന്ന് നടത്തിയ പരിശോധനയിലാണ് വാഹനങ്ങള്‍ പിടികൂടിയത്. ഇതില്‍ ഒന്നിന്റെ നമ്പര്‍ പ്ലേറ്റ് ചുരണ്ടി മാറ്റിയ നിലയിലാണ്.