കണ്ണപുരം: ചെറുകുന്ന് സ്വദേശിയായ പോള ജയരാജനില്‍ നിന്നു തട്ടിയെടുക്കപ്പെട്ടെ നാഗമാണിക്യം കണ്ണപുരം എസ്.ഐ ടി.വി ധനഞ്ജയദാസും സംഘവും കണ്ടെടുത്തു. അനിഷ്ഠ സംഭവങ്ങളെ തുടര്‍ന്ന് പരിഹാരത്തിനായി നടത്തിയ സ്വര്‍ണപ്രശ്‌നത്തില്‍ വീട്ടില്‍ സൂക്ഷിച്ചിരിക്കുന്ന രത്‌നങ്ങളാണ് അനിഷ്ട സംഭവത്തിന് കാരണമെന്നും ഇവ തൃക്കോത്ത് ശ്രീകൃഷ്ണ ക്ഷേത്രത്തില്‍ സമര്‍പ്പിക്കണമെന്നും ജ്യോത്സ്യന്‍ സുഭാഷ് ചെറുകുന്ന് നിര്‍ദേശിച്ചതിനെ തുടര്‍ന്ന് ബന്ധുക്കള്‍ ഇതു ക്ഷേത്രത്തില്‍ സമര്‍പ്പിച്ചിരുന്നു. രണ്ടുവര്‍ഷത്തിനു ശേഷം ക്ഷേത്രത്തിലെത്തിയപ്പോഴാണ് മാണിക്യം നഷ്ടപ്പെട്ടതായി അറിയുന്നത്. പൊലിസ് നടത്തിയ അന്വേഷണത്തിലാണ് ജ്യോത്സ്യന്‍ അപഹരിച്ച് മറിച്ചുവിറ്റ മാണിക്യം കൂത്തുപറമ്പിലെ വിദേശ വ്യവസായിയില്‍ നിന്നു കണ്ടെടുത്തത്. എറണാകുളം ജെമ്മോളജി ലാബിലേക്ക് പരിശോധനക്ക് അയച്ച് മാണിക്യം കോടതിയില്‍ ഹാജരാക്കും.