തൃശൂര്‍: താളം കള്‍ച്ചറല്‍ ട്രസ്റ്റിന്റെ ആഭിമുഖ്യത്തില്‍ ഭീമ സൂര്യതാളം നൃത്തോത്സവം ഏഴ് മുതല്‍ പന്ത്രണ്ട് വരെ പൂങ്കുന്നം ഹരിശ്രീ വിദ്യാനിധി സ്‌കൂള്‍ ഓഡിറ്റോറിയത്തില്‍ നടക്കും. ദിവസവും വൈകീട്ട് 6.30നാണ് നൃത്തം അരങ്ങേറുക. 7ന് വൈകീട്ട് ലത കുട്ടന്‍ ഓം നമ ശിവായ ലഘുനൃത്ത ശില്‍പം അവതരിപ്പിക്കും. തുടര്‍ന്ന് ചന്ദ്രലേഖാ രതീഷ് അവതരിപ്പിക്കുന്ന കുച്ചിപ്പുഡി, എട്ടിന് വൈകീട്ട് ലിംഗരാജ് പ്രധാന്‍, സംയുക്ത ദത്ത പ്രധാന്‍ എന്നിവരുടെ ഒഡീസി, ഒമ്പതിന് അഭയലക്ഷ്മിയുടെ ഒഡീസി, 10ന് കീര്‍ത്തി രാംഗോപാലിന്റെയും 11ന് ദിവ്യാ ഉണ്ണിയുടെയും ഭരതനാട്യം, 12ന് ഹരിശ്രീയിലെ വിദ്യാര്‍ഥികളും രക്ഷിതാക്കളും പങ്കെടുക്കുന്ന നൃത്ത, സംഗീത പരിപാടി എന്നിവയുണ്ടാകും. കളരി വിദഗ്ധന്‍ ബല്‍രാജ് സോണി മുഖ്യാതിഥിയായിരിക്കും. അഡ്വ. സോമകുമാര്‍, എം. സുരേഷ്‌കുമാര്‍, ശ്രീലേഖാ വിനോദ്, സജീവ് വാര്‍ത്താ സമ്മേളനത്തില്‍ സംബന്ധിച്ചു.