മതിലകം: ഗ്രാമപഞ്ചായത്തില്‍ എസ്.സി. വിഭാഗത്തില്‍പ്പെട്ട യുവതി യുവാക്കള്‍ക്ക് ചെണ്ടമേളം പരിശീലനം നല്‍കി . എം.കെ തിലകന്റെ നേതൃത്വത്തില്‍ 15 പേരാണ് ആറ് മാസം നീണ്ട പരിശീലനത്തില്‍ പങ്കെടുത്തത്. 3.5 ലക്ഷം രൂപയാണ് ഈ പദ്ധതിക്ക് പഞ്ചായത്ത് ചെലവഴിച്ചത്.
ഗ്രാമ പഞ്ചായത്ത് അങ്കണത്തില്‍ നടന്ന അരങ്ങേറ്റം പ്രസിഡന്റ് ഇ.ജി സുരേന്ദ്രന്‍ ഉദ്ഘാടനം ചെയ്തു. വൈസ് പ്രസിഡന്റ് സുവര്‍ണ ജയശങ്കര്‍ അധ്യക്ഷനായി. പഞ്ചായത്തംഗങ്ങളായ വി.എസ് രവീന്ദ്രന്‍, ബിന്ദു സന്തോഷ്, കെ.വൈ അസീസ്, കെ.വി അജിത്ത് കുമാര്‍, സെക്രട്ടറി പി.വി ഷാബു സന്നിഹിതരായിരുന്നു.