കാട്ടിക്കുളം: കാട്ടിക്കുളം വഴി പനവല്ലി, സര്‍വാണി, നടുവന്താര്‍ വഴി തിരുനെല്ലി അമ്പലത്തിലേക്കുള്ള പി.ഡബ്ല്യൂ.ഡി റോഡിലൂടെ ബസുകള്‍ക്ക് റൂട്ട് അനുവദിക്കണമെന്ന ആവശ്യവുമായി കാട്ടിക്കുളം ഹയര്‍സെക്കന്‍ഡറി സ്‌കൂളിലെ കുട്ടികള്‍ കലക്ടറെ കണ്ടു.
ഇവിടെ ബസ് സര്‍വിസ് നടത്താന്‍ ആര്‍.ടി.ഒ യുടെ അനുമതി തേടിയാണ് അവര്‍ എത്തിയത്. കാലതാമസമില്ലാതെ യാത്രാ പ്രശ്‌നത്തിന് പരിഹാരം കാണാമെന്ന് ജില്ല കലക്ടര്‍ വിദ്യാര്‍ഥികള്‍ക്ക് ഉറപ്പുനല്‍കി.
ബസ് റൂട്ട് വന്നാല്‍ കാട്ടിക്കുളം, തൃശ്ശിലേരി, മാനന്തവാടി ഹയര്‍സെക്കന്‍ഡറികളിലേക്ക് പോകുന്ന വിദ്യാര്‍ഥികള്‍ക്കും സമീപവാസികള്‍ക്കും പ്രയോജനം ലഭിക്കുമെന്ന് വിദ്യാര്‍ഥികള്‍ ജില്ലാ കലക്ടറെ അറിയിച്ചു.