സെന്റ് ലൂസിയ: വെസ്റ്റന്‍ഡീസിനെതിരേയുള്ള മൂന്നാം ടെസ്റ്റില്‍ ഇന്ത്യക്ക് വിജയം. ഇതോടെ നാലു ടെസ്റ്റുകളടങ്ങുന്ന പരമ്പര ഇന്ത്യ സ്വന്തമാക്കി. ആദ്യ ടെസ്റ്റില്‍ ഇന്നിങ്‌സ് വിജയം സ്വന്തമാക്കിയ ഇന്ത്യ രണ്ടാം ടെസ്റ്റില്‍ സമനില വഴങ്ങിയിരുന്നു.

മൂന്നാം ടെസ്റ്റില്‍ ബോളര്‍മാരുടെ മികവിലാണ് ഇന്ത്യ വിജയം കൈപ്പിടിയിലൊതുക്കിയത്. ആദ്യ ഇന്നിങ്‌സില്‍ അഞ്ച് വിക്കറ്റ് സ്വന്തമാക്കിയ ഭൂവനേശ്വര്‍ കുമാര്‍ വിന്‍ഡീസിനെ തകര്‍ത്തപ്പോള്‍ രണ്ടാം ഇന്നിങ്‌സില്‍ സമി (3) ഇശാന്ത് ശര്‍മ (2) ജഡേജ (2) എന്നിവര്‍ ഇന്ത്യക്കായി തിളങ്ങി. രണ്ടാം ഇന്നിങ്‌സില്‍ അജംഗ്യ രഹാനേയുടെ അര്‍ധ ശതകമാണ് ഇന്ത്യക്ക് ഭേദപ്പെട്ട സ്‌കോര്‍ നേടാന്‍ സഹായകമായത്.

ഇന്ത്യ ഒന്നാം ഇന്നിങ്‌സ് 353. രണ്ടാം ഇന്നിങ്‌സ് 217. ഏഴ് (ഡി). വെസ്റ്റന്ഡീസ് ഒന്നാം ഇന്നിങ്‌സ് 225. രണ്ടാം ഇന്നിങ്‌സ് 108. 41 റണ്‍സെടുത്ത രോഹിത് ശര്‍മ രഹാനേക്ക് മികച്ച പിന്തുണ നല്‍കി. വിന്‍ഡീസിന്റെ രണ്ടാം ഇന്നിങ്‌സില്‍ ബ്രാവോ (59) മാത്രമാണ് പൊരുതിയത്. സാമുവല്‍സ് (12) ആയിരുന്നു മികച്ച രണ്ടാമത്ത സ്‌കോറര്‍. വിന്‍ഡീസ് നിരയിലെ ഏഴു പേര്‍ രണ്ടക്കം കാണാതെ പുറത്തായി.