താനൂര്‍: സയ്യിദ് പി.പി തങ്ങള്‍ ആണ്ടുനേര്‍ച്ചക്ക് ഇന്ന് കണ്ണന്തളി ഹസനുല്‍ ജീലാനി നഗറില്‍ തുടക്കമാകും. രാവിലെ 8.30ന് മമ്പുറം മഖാം സിയാറത്തോടെ ആരംഭിക്കും. സയ്യിദ് അബ്ദുല്‍ ഖാദര്‍ ഹസനി ആറ്റക്കോയ തങ്ങള്‍ പതാക ഉയര്‍ത്തും. വൈകിട്ട് 6.30ന് ആത്മീയസംഗമം പാണക്കാട് സയ്യിദ് സാദിഖലി ശിഹാബ് തങ്ങള്‍ ഉദ്ഘാടനം ചെയ്യും. അത്തിപ്പറ്റ മൊയ്തീന്‍ കുട്ടി മുസ്‌ലിയാര്‍ സ്വലാത്തിനും പ്രാര്‍ഥനക്കും സയ്യിദ് ശാഹുല്‍ ഹമീദ് ജമലുല്ലൈലി തങ്ങള്‍ മജ്‌ലിസുന്നൂറിനും നേതൃത്വം നല്‍കും. കൊയ്യോട് ഉമര്‍ മുസ്‌ലിയാര്‍ ആത്മീയ പ്രഭാഷണം നടത്തും. മുസ്തഫ ഹുദവി ആക്കോട് മുഖ്യപ്രഭാഷണം നടത്തും.