പട്‌ന: ബീഹാറില്‍ കാര്‍ത്തിക പൂര്‍ണ്ണിമ ആഘോഷത്തോടനുബന്ധിച്ച തിക്കിലും തിരക്കിലും പെട്ട് മൂന്ന് പേര്‍ മരിച്ചു. പത്ത് പേര്‍ക്ക് പരിക്കേറ്റു. ശനിയാഴ്ച രാവിലെയായിരുന്നു സംഭവം.

ബെഗുസാരായ് ജില്ലയിലെ ഗംഗാ നദിയുടെ തീരത്ത് സിമിരിയയില്‍വെച്ചാണ് അപകടമുണ്ടായത്. ഇവിടെ സ്‌നാനത്തിനായി ആയിരക്കണക്കിന് തീര്‍ത്ഥാടകര്‍ ഒന്നിച്ചു കൂടിയതാണ് അപകടത്തിനിടയാക്കിയത്.

ചിലര്‍ നടത്തിയ അപവാദപ്രചരണങ്ങളാണ് തിരക്കിനിടയാക്കിയതെന്ന് പൊലിസ് അറിയിച്ചു.

മരിച്ചവരുടെ കുടുംബത്തിന് ബീഹാര്‍ മുഖ്യമന്ത്രി നിതീഷ് കുമാര്‍ നാല് ലക്ഷം രൂപ നഷ്ടപരിഹാരം പ്രഖ്യാപിച്ചു.