തൃക്കരിപ്പൂര്‍: പോരാട്ടങ്ങളിലെ അഗ്‌നി ബിന്ദുവായ കയ്യൂരിന്റെ കഥ അറിയാന്‍ കര്‍ണാടക സംഘമെത്തുന്നു.ഡി വൈ എഫ് ഐ കര്‍ണാടക സംസ്ഥാന പ്രസിഡന്റ് മുനീര്‍ കാട്ടപ്പള്ളി, ചേതന തീര്‍ത്ഥ ഹള്ളി എന്നിവരുടെ നേതൃത്വത്തിലാണ് കയ്യൂരിന്റെ ധീരോദാത്തവും ആവേശോജ്വലവുമായ കഥ അറിയാന്‍ നവംബര്‍ 11ന് കയ്യൂര്‍ ഗ്രാമത്തിലെത്തുന്നത്.

അമ്പതംഗ ഡി വൈ എഫ് ഐ സംഘം നാടകം, കവിത തുടങ്ങിയ കലാപരിപാടികള്‍ അവതരിപ്പിക്കും. പുസ്തകങ്ങളിലൂടെ വായിച്ചറിഞ്ഞ കയ്യൂരിന്റെ കഥ നേരിട്ടറിയാനെത്തുന്ന സംഘത്തെ നയിക്കുന്ന ചേതന തീര്‍ത്ഥ ഹളളി ബീഫ് വിലക്കിനെതിരെയും ഹൈന്ദവ അനാചാരങ്ങള്‍ക്കെതിരെയും പ്രതികരിച്ചതിന് സംഘപരിവാര്‍ ഭീഷണി നേരിടുന്ന പ്രമുഖ കന്നഡ തിരക്കഥാകൃത്തും എഴുത്തുകാരിയുമാണ്. സംഘാംഗങ്ങളുമായി എം രാജഗോപാലന്‍ എം എല്‍ എ ,എഴുത്തുകാരന്‍ പയ്യന്നൂര്‍ കുഞ്ഞിരാമന്‍ എന്നിവര്‍ സംവദിക്കും.