ഷിംല: സ്വന്തം നേതാക്കളില്‍ വിശ്വാസം നഷ്ടപ്പെട്ട കോണ്‍ഗ്രസുകാര്‍ മറ്റ് പാര്‍ട്ടികളില്‍ നിന്ന് വിമതരെ മത്സരിപ്പിക്കാനായി അന്വേഷിക്കുകയാണെന്ന് പ്രധാനമന്ത്രി നരേന്ദ്രമോദി.
ഹിമാചലിലെ റെയ്ത്ത് ജില്ലയില്‍ നടന്ന റാലിയില്‍ സംസാരിക്കുകയായിരുന്നു പ്രധാനമന്ത്രി. സംസ്ഥാനത്ത് പ്രചാരണത്തിനായി മുതിര്‍ന്ന കോണ്‍ഗ്രസ് നേതാക്കളാരും എത്താതിരിക്കുന്നത് തെരഞ്ഞെടുപ്പ് തോല്‍വി മുന്നില്‍ കണ്ടാണ്.
തന്റെ സര്‍ക്കാര്‍ നിലകൊള്ളുന്നത് അഴിമതിക്കെതിരായിട്ടാണ്. പാവങ്ങളുടെ താല്‍പര്യങ്ങള്‍ സംരക്ഷിക്കുകയെന്നതാണ് സര്‍ക്കാരിന്റെ ലക്ഷ്യം. രാജ്യത്തെ ജനങ്ങള്‍ക്ക് കോണ്‍ഗ്രസില്‍ ഒരു തരത്തിലുള്ള വിശ്വാസവും ഇല്ലെന്നും മോദി കൂട്ടിച്ചേര്‍ത്തു.