റിയാദ്: പശ്ചിമേഷ്യയിലെ പ്രമുഖ ക്രൈസ്തവ വിഭാഗമായ മാരനൈറ്റ് ചര്‍ച്ച് പാത്രിയാര്‍ക്കീസ് ബിശാറ ബുത്രൂസ് അല്‍റാഹി സഊദി സന്ദര്‍ശിക്കും. ഇതാദ്യമായാണ് ഒരു മാരനൈറ്റ് പുരോഹിത പ്രമുഖന്‍ സഊദി സന്ദര്‍ശിക്കുന്നത്.
സഊദി സന്ദര്‍ശിക്കാനുള്ള ക്ഷണക്കത്ത് കൈമാറിയതായി ലബനാനിലെ സഊദി അംബാസിഡര്‍ വലീദ് ബുഖാരി അറിയിച്ചു. ബികിര്‍ക്കിലെ പാത്രിയാര്‍ക്ക് പാലസില്‍ നടന്ന കൂടിക്കാഴ്ചയിലാണ് സഊദി അംബാസിഡര്‍ ക്ഷണക്കത്ത് കൈമാറിയത്.
സഊദി ഭരണാധികാരി സല്‍മാന്‍ ബിന്‍ അബ്ദുല്‍ അസീസ് രാജാവുമായും കിരീടാവകാശി മുഹമ്മദ് ബിന്‍ സല്‍മാന്‍ ബിന്‍ അബ്ദുല്‍ അസീസ് രാജകുമാരനുമായും കൂടിക്കാഴ്ച നടത്തണമെന്നും ആവശ്യപ്പെട്ടിട്ടുണ്ട്.