തെഹ്‌റാന്‍: അമേരിക്കക്കെതിരേ പ്രകോപനവുമായി ഇറാന്റെ മിസൈല്‍ പ്രദര്‍ശനം. 1979ലെ യു.എസ് എംബസി പിടിച്ചടക്കലിന്റെ വാര്‍ഷികദിനത്തോടനുബന്ധിച്ചാണ് ഇറാന്‍ 2,000 കി.മീറ്റര്‍ ദൂരപരിധിയുള്ള സജ്ജീല്‍ ബാലിസ്റ്റിക് മിസൈല്‍ പ്രദര്‍ശിപ്പിച്ചത്.
ഇറാന്‍ വിപ്ലവത്തിന്റെ ഭാഗമായി വിദ്യാര്‍ഥികളുടെ നേതൃത്വത്തില്‍ നടന്ന യു.എസ് എംബസി പിടിച്ചെടുക്കലിനും 52 ഉദ്യോഗസ്ഥരുടെ ബന്ദിയാക്കലിനും ഇന്നലെ 38 വര്‍ഷം തികഞ്ഞിരുന്നു. ഇതിന്റെ ഭാഗമായി പതിനായിരങ്ങള്‍ പങ്കെടുത്ത പ്രകടനം തെഹ്‌റാനില്‍ നടന്നു. യു.എസ് ഉദ്യോഗസ്ഥരെ 444 ദിവസമാണ് തടവില്‍ വച്ചിരുന്നത്.