കൊച്ചി: സിനിമ, ടെലിവിഷന്‍ രംഗത്ത് പ്രവര്‍ത്തിക്കുന്ന ജൂനിയര്‍ ആര്‍ട്ടിസ്റ്റുകളടക്കമുള്ളവര്‍ക്കായി സംഘടന രൂപികരിച്ചതായി ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ഇന്‍ഡസ്ട്രി ഓഫ് ഫിലിം ആന്‍ഡ് ടെലിവിഷന്‍ വര്‍ക്കേഴ്‌സ് അസോസിയേഷന്‍(ഐ.എഫ്.ടി.ഡബ്ല്യു.എ) എന്നാണ് സംഘടനയുടെ പേര്. തൊഴിലാളി യൂനിയനായ ഐ.എന്‍.ടി.യു.സിയിലാണ് സംഘടന അഫിലിയേറ്റ് ചെയ്തിരിക്കുന്നതെന്നും ഭാരവാഹികള്‍ അറിയിച്ചു. വാര്‍ത്താ സമ്മേളനത്തില്‍ അഡൈ്വസറി ബോര്‍ഡ് അംഗങ്ങളായ അബദു റഹിമാന്‍ എടക്കുനി, ഐ.പി രാജേഷ്, സക്കീര്‍ മഠത്തില്‍, ഗഫൂര്‍ ചാമക്കാല തുടങ്ങിയവര്‍ പങ്കെടുത്തു.