ചങ്ങനാശ്ശേരി: എക്‌സൈസ് സംഘത്തെ അക്രമിച്ച് കടന്നുകളഞ്ഞ കഞ്ചാവുകേസിലെ പ്രതിയെ തൃക്കൊടിത്താനം പൊലിസ് പിടികൂടി. തിരുവല്ലാ കാവുംഭാഗം നെടുംപറമ്പില്‍ ഷിബു(33) ആണ് തൃക്കൊടിത്താനം എസ് .ഐ പി.എന്‍ ജയകുമാറിന്റെ നേതൃത്വത്തില്‍ അറസറ്റു ചെയ്തത്.
കഞ്ചാവു വില്‍പന നടത്തിവന്നിരുന്ന ഷിബുവിനെ പിടിക്കാനായി എത്തിയ ചങ്ങനാശ്ശേരി റേഞ്ച് എക്‌സൈസ് സംഘത്തെ അക്രമിച്ചു രക്ഷപ്പെട്ട ഇയാള്‍ ഹൈക്കോടതിയില്‍ നിന്നും മുന്‍കൂര്‍ ജാമ്യവും നേടിയിയിരുന്നു. ജാമ്യത്തില്‍ ഇറങ്ങിയ ഇയാളോട് സ്റ്റേഷനില്‍ എത്തണമെന്നു കോടതി ആവശ്യപ്പെട്ടിരുന്നു. സ്റ്റേഷനില്‍ ഹാജരാവാതെ കഴിഞ്ഞിരുന്ന ഇയാളെ ഇന്നലെ വീട്ടില്‍ നിന്നുമാണ് പിടികൂടിയത്.