മട്ടാഞ്ചേരി: റോയല്‍ മലേഷ്യന്‍ നേവി ഈസ്റ്റേണ്‍ ഫ്‌ളീറ്റ് കമാന്‍ഡര്‍ വൈസ് അഡ്മിറല്‍ ഡാറ്റോ സെയ്ത് സൈനുദ്ദീന്‍ ബിന്‍ സെയ്ത് ഉസ്മാന്‍, ഭാര്യ മറിയം സൂറി ബിന്‍ത് അഹമ്മദിനോടൊപ്പം മൂന്നു ദിവസത്തെ സന്ദര്‍ശനത്തിനായി കൊച്ചിയിലെത്തി. ദക്ഷിണ നാവിക സേന ചീഫ് ഓഫ് സ്റ്റാഫ് റിയര്‍ അഡ്മിറല്‍ ആര്‍.ജെ. നട്കര്‍ണിയുമായി മലേഷ്യന്‍ സംഘം നാവിക പരിശീലന സൗകര്യങ്ങള്‍ സംബന്ധിച്ച് ചര്‍ച്ച നടത്തി. ഐ.എന്‍.എസ് ദ്രോണാചാര്യ ഉള്‍പ്പെടെയുള്ള ദക്ഷിണ നാവിക സേന പരിശീലന കേന്ദ്രങ്ങള്‍ മലേഷ്യന്‍ സംഘം സന്ദര്‍ശിച്ചു. വൈസ് അഡ്മിറല്‍ ഡാറ്റോ സെയ്ത് 1983ല്‍ ഐ.എന്‍.എസ് ദ്രോണാചാര്യയില്‍ പരിശീലനത്തിനെത്തിയിരുന്നു.