തൃശൂര്‍: ചാലക്കുടി രാജീവ് വധക്കേസില്‍ പൊലിസ് അറസ്റ്റു ചെയ്ത പ്രമുഖ അഭിഭാഷകന്‍ അഡ്വ. സി.പി. ഉദയഭാനുവിനെ പൊലിസ് കസ്റ്റഡിയില്‍ വിട്ടു.

റിമാന്‍ഡില്‍ കഴിയുന്ന ഉദയഭാനുവിനെ മൂന്നു ദിവസത്തേക്കാണ് പൊലിസ് കസ്റ്റഡിയില്‍ വിട്ടുനല്‍കാന്‍ കോടതി തീരുമാനിച്ചത്. ചാലക്കുടി ജുഡീഷ്യല്‍ ഫസ്റ്റ്ക്ലാസ് മജിസ്‌ട്രേറ്റ് കോടതിയുടേതാണ് ഉത്തരവ്. ചോദ്യം ചെയ്യലിനു ശേഷം വ്യാഴാഴ്ച രാവിലെ ഉദയഭാനുവിനെ കോടതിയില്‍ ഹാജരാക്കണമെന്നും കോടതി നിര്‍ദേശിച്ചിട്ടുണ്ട്.