ദമാം: സഊദിയിലെ കിഴക്കന്‍ പ്രവിശ്യയിലെ അല്‍ ഹസയില്‍ തിരുവനന്തപുരം സ്വദേശിയെ ആത്മഹത്യ ചെയ്ത നിലയില്‍ കണ്ടെത്തി. കിളിമാനൂര്‍ പുതിയകാവ് അന്‍സല്‍ വില്ലയില്‍ മുഹമ്മദ് അബ്ദുല്‍ ഖാദര്‍ നസീറിനെയാണ് (55) താമസ സ്ഥലത്ത് മരിച്ച നിലയില്‍ കണ്ടെത്തിയത്. കഴിഞ്ഞ ദിവസം ഉച്ചയോടെ സുഹൃത്തുക്കളാണ് തൂങ്ങി മരിച്ച നിലയില്‍ കണ്ടെത്തിയത്. അല്‍ഹസയില്‍ കൂള്‍ബാര്‍ നടത്തി വരികയായിരുന്നു.

27 വര്‍ഷമായി അല്‍ഹസയില്‍ ജോലി ചെയ്തു വരികയായിരുന്ന നസീര്‍ കടുത്ത സാമ്പത്തിയ ഞെരുക്കത്തിലായിരുന്നു. ഇതാണ് മരണത്തിനു കാരണമെന്നാണ് കരുതുന്നത്. ഹുഫൂഫ് കിംഗ് ഫഹദ് ആശുപത്രിയില്‍ സൂക്ഷിച്ചിരിക്കുന്ന മൃതദേഹം ഇവിടെ തന്നെ മറവ് ചെയ്യാനാണ് തീരുമാനം. ഇവിടെ ജോലി ചെയ്യുന്ന സഹോദരന്‍ ഇതിനായി രംഗത്തുണ്ട്.മാതാവ്: സുലൈഖാ ബീവി. സീനാണ് ഭാര്യ, ഏക മകന്‍ അന്‍സല്‍ (മെഡിക്കല്‍ വിദ്യാര്‍ത്ഥി).