ന്യൂഡല്‍ഹി: ഏഷ്യാ കപ്പ് ഹോക്കി കിരീടം നേടിയ ഇന്ത്യന്‍ വനിതാ ടീമിലെ ഓരോ അംഗത്തിനും ഒരു ലക്ഷം രൂപ സമ്മാനം നല്‍കുമെന്ന് ഹോക്കി ഇന്ത്യ. 18 അംഗ സംഘമാണ് ഇന്ത്യക്കായി പോരിനിറങ്ങിയത്. കോച്ച് ഹരേന്ദ്ര സിങിന് ഒരു ലക്ഷം രൂപയും കോച്ചിങ് സ്റ്റാഫുകള്‍ക്ക് 50 ലക്ഷം രൂപയും പാരിതോഷികം ലഭിക്കും. ജപ്പാനിലെ കകമിഗഹരയില്‍ അരങ്ങേറിയ ചാംപ്യന്‍ഷിപ്പില്‍ ചൈനയെ ഷൂട്ടൗട്ടില്‍ 5-4ന് കീഴടക്കിയാണ് ഇന്ത്യ കിരീടം സ്വന്തമാക്കിയത്. കിരീട ജയത്തോടെ ലോകകപ്പ് യോഗ്യതയും നേടാന്‍ ടീമിന് സാധിച്ചിരുന്നു.