റിയാദ്: സഊദിയില്‍ മലയാളി യുവാവ് കുഴഞ്ഞ് വീണു മരിച്ചു. പാലക്കാട് പിലാപറ്റ ഉമഴനയി കെ പി മുഹമ്മദിന്റെ മകന്‍ നൗഷാദ് അലിയാണ് (38) തിങ്കളാഴ്ച പുലര്‍ച്ചെ സുബ്ഹി നിസ്‌കാരത്തിനിടെ കുഴഞ്ഞ് വീണു മരിച്ചത്.

ഒരു മാസം മുന്‍പ് സഊദിയിലെത്തിയ ഇദ്ദേഹം തൂവലിന് സമീപം വീട്ടു ഡ്രൈവറായി ജോലി ചെയ്തു വരികയായിരുന്നു. സുഫ്‌ലയാണ് ഭാര്യ. മൂന്ന് മക്കളുണ്ട്. ഗുലൈസ് ഗവ: ആശുപത്രിയില്‍ സൂക്ഷിച്ചിരിക്കുന്ന മൃതദേഹം നാട്ടില്‍ കൊണ്ടുപോകാനുള്ള നടപടിക്രമങ്ങള്‍ പുരോഗമിക്കുകയാണ്.