അങ്കാറ: നയതന്ത്രബന്ധത്തിലുള്ള വിള്ളല്‍ പരിഹരിക്കാനായി തുര്‍ക്കി പ്രധാനമന്ത്രി ബിന്‍അലി അല്‍യദ്‌രിം യു.എസ് സന്ദര്‍ശനത്തിന്. ചൊവ്വാഴ്ച വൈകിട്ടോടെ അദ്ദേഹം വാഷിങ്ടണില്‍ എത്തിച്ചേരുമെന്നാണ് പ്രതീക്ഷിക്കുന്നത്.
യു.എസ് വൈസ് പ്രസിഡന്റ് മൈക്ക് പെന്‍സിനുമായി അദ്ദേഹം കൂടിക്കാഴ്ച നടത്തും. യു.എസ് എംബസി ഉദ്യോഗസ്ഥരെ അറസ്റ്റു ചെയ്തതിനെ തുടര്‍ന്നുണ്ടായ നയതന്ത്ര വിള്ളല്‍ ഇരുവരും ചര്‍ച്ച ചെയ്യുമെന്ന് ഭരണകക്ഷിയായ ജസ്റ്റിസ് ആന്‍ഡ് ഡെവലപ്‌മെന്റ് പാര്‍ട്ടിയിലെ മുതിര്‍ന്ന നേതാവ് കാനി ടോറൂന്‍ പറഞ്ഞു.