തിരുവനന്തപുരം: തെറ്റ് ചെയ്തവര്‍ ആരായാലും ഇടതുപക്ഷ സര്‍ക്കാര്‍ സംരക്ഷിക്കില്ലെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍. നിയമോപദേശം അറിഞ്ഞ ശേഷം തീരുമാനമുണ്ടാകുമെന്നും കോടിയേരി പറഞ്ഞു.

മന്ത്രി തോമസ് ചാണ്ടിയുടെ ഭൂമി കൈയേറ്റത്തില്‍ സര്‍ക്കാരിനെതിരേയുണ്ടായ ഹൈക്കോടതി പരാമര്‍ശത്തിലാണ് കോടിയേരിയുടെ പ്രതികരണം.

തോമസ് ചാണ്ടിയുടെ വിഷയം യു.ഡി.എഫ് ഉന്നയിക്കുന്നത് രാഷ്ട്രീയ ലക്ഷ്യം വെച്ചാണ്. സോളാര്‍ വിവാദത്തില്‍ നിന്ന് ശ്രദ്ധ തിരിക്കാനാണ് യു.ഡി.എഫ് ശ്രമിക്കുന്നതെന്നും കോടിയേരി ആരോപിച്ചു.