വര്‍ക്കല: അമിതവേഗതയിലെത്തിയ ഓട്ടോ നിയന്ത്രണംവിട്ട് തലകീഴായി മറിഞ്ഞ് വയോധിക മരിച്ചു. രണ്ടു പേര്‍ക്ക് പരുക്കേറ്റു. വെട്ടൂര്‍ ചന്തവിള വീട്ടില്‍ അലീമാ ബീവി (72) ആണ് മരിച്ചത്. ഇന്നലെ ഉച്ചയ്ക്ക് 2.30ന് ചിലക്കൂര്‍ ടി.ബി ജങ്ഷനില്‍ വച്ചാണ് സംഭവം. അമിതവേഗതയില്‍ ഹംബില് കയറിയതിനെ തുടര്‍ന്നാണ് ഓട്ടോ നിയന്ത്രണംവിട്ടത്. അപകടസ്ഥലത്തുതന്നെ അലീമബീവി മരിച്ചു.ഓട്ടോഡ്രൈവറെ പരുക്കുകളോടെ ആശുപത്രിയില്‍പ്രവേശിപ്പിച്ചു.മറ്റൊരു യാത്രക്കാരി പരുക്കുകളില്ലാതെ രക്ഷപ്പെട്ടു.
വയോധികയുടെ മൃതദേഹം വര്‍ക്കല താലൂക്ക് ആശുപത്രി മാര്‍ച്ചറിയില്‍.വര്‍ക്കല പൊലിസ് കേസെടുത്തു.