ഇസ്‌ലാമാബാദ്: പാകിസ്താനിലെ പഞ്ചാബ് പ്രവിശ്യയില്‍ ബസ് മലയിടുക്കിലേക്കു മറിഞ്ഞ് 27 പേര്‍ മരിച്ചു. 69 പേര്‍ക്കു പരുക്കേറ്റു. അപകടത്തില്‍പെട്ട ബസില്‍ നൂറിലേറെ ആളുകളുണ്ടായിരുന്നു.മതപരമായ ചടങ്ങില്‍ പങ്കെടുക്കാന്‍ പോയവരാണ് അപകടത്തില്‍പെട്ടതെന്നു പാകിസ്താന്‍ പൊലിസ് അറിയിച്ചു. സംഭവത്തില്‍ ഗുരുതരമായി പരുക്കേറ്റ 30ലേറെ പേരെ റാവല്‍പിണ്ടിയിലെ ആശുപത്രിയിലേക്കു മാറ്റിയിട്ടുണ്ട്.ഇസ്‌ലാമാബാദ്-ലാഹോര്‍ വഴി റായ്‌വിന്‍ഡിലേക്കു പോകേണ്ടിയിരുന്ന സംഘം റൂട്ടുമാറ്റി സഞ്ചരിക്കുന്നതിനിടെയാണ് വാഹനം അപകടത്തില്‍പെട്ടത്.
ഈ മേഖല പരിചയമില്ലാത്ത ഡ്രൈവര്‍ അമിതവേഗതയില്‍ വാഹനമോടിച്ചതാണ് അപകടകാരണമെന്നാണ് റിപ്പോര്‍ട്ട്.