തിരുവനന്തപുരം: തോമസ് ചാണ്ടി വിഷയത്തില്‍ സര്‍ക്കാരിന് എ.ജിയുടെ നിയമോപദേശം ലഭിച്ചു. നിയമോപദേശം സര്‍ക്കാരിന്റെ പരിഗണനയിലാണ്. അതേസമയം, നിയമോപദേശത്തിന്റെ ഉള്ളടക്കം പുറത്തുവന്നിട്ടില്ല.

ഭൂമി കൈയേറ്റവുമായി ബന്ധപ്പെട്ട് ആലപ്പുഴ ജില്ലാ കലക്റ്ററുടെ അന്തിമ റിപ്പോര്‍ട്ടിന്മേലുള്ള നിയമോപദേശമാണ് സര്‍ക്കാരിന് ലഭിച്ചിരിക്കുന്നത്. അതേസമയം, തോമസ് ചാണ്ടി വിഷയം ചര്‍ച്ച ചെയ്യാന്‍ അടിയന്തിര എല്‍.ഡി.എഫ് യോഗം മറ്റന്നാള്‍ ചേരുന്നുണ്ട്.

തോമസ് ചാണ്ടിയുടെ രാജിയാവശ്യം ശക്തമായതിനെത്തുടര്‍ന്ന് സമ്മര്‍ദത്തിലായ എല്‍.ഡി.എഫ് അദ്ദേഹത്തെ പിന്തുണക്കുന്ന നിലപാടായിരുന്നു സ്വീകരിച്ചിരുന്നത്. ചാണ്ടി രാജി വയ്‌ക്കേണ്ടതില്ലെന്നാണ് ഇന്ന് എന്‍.സി.പി നേതൃത്വവും അറിയിച്ചിരുന്നത്.