തിരൂരങ്ങാടി: എം.എസ്.എഫ് പ്രവര്‍ത്തകരെ അകാരണമായി മര്‍ദിച്ചതായി പരാതി. കൊണ്ടോട്ടി ഇ.എം.ഇ.എ കോളജിലെ യൂനിയന്‍ ഭാരവാഹികളുള്‍പ്പെടെ നാല് പേരെ പരുക്കുകളോടെ തിരുരങ്ങാടി താലൂക്ക് ആശുപത്രിയില്‍ പ്രവേശിപ്പിച്ചു.
കൊണ്ടോട്ടി ആല്‍പറമ്പ് സ്വദേശി ബി.എ ഇംഗ്ലീഷ് മുന്നാംവര്‍ഷ വിദ്യാര്‍ഥിയുമായ കുന്നേക്കാട് മുബഷിര്‍ (20),ചേലേമ്പ്ര സ്വദേശിയും ബി.ബി.എ രണ്ടാം വര്‍ഷ വിദ്യാര്‍ത്ഥി വാളമക്കല്‍ സിറാജ് (19), കുഴിഞ്ഞളം സ്വദേശി പി.ജി ഒന്നാം വര്‍ഷ വിദ്യാര്‍ഥിയുമായ തലാലക്കര സിബ്‌റത്തുള്ള (21),ഒന്നാം വര്‍ഷ ബി.എ എക്കണോമിക്‌സ് വിദ്യാര്‍ഥി പി.കെ അനീസ്(18) എന്നിവര്‍ക്കാണ് പരുക്കേറ്റത്.
എസ്.എഫ് ഐ പ്രവര്‍ത്തകരാണ് മര്‍ദിച്ചതെന്ന് വിദ്യാര്‍ത്ഥികള്‍ പറഞ്ഞു.
നോട്ട് നിരോധനത്തിന്റെ ഒന്നാം വര്‍ഷത്തില്‍ എം.എസ്.എഫ് കോളജ് പരിസരത്ത് നടത്തിയ പ്രതിഷേധ പ്രകടനത്തില്‍ പങ്കെടുത്തതിന് അനീസിനെ ആക്രമിക്കുകയായിരുന്നു.
ഇതു തടഞ്ഞതോടെ തങ്ങളേയും ആക്രമിക്കുകയായിരുന്നവെന്ന് ഇവര്‍ പറയുന്നു.