ചെറുപുഴ: ആടിനെ രക്ഷിക്കാനിറങ്ങിയ ഗൃഹനാഥന്‍ കിണറില്‍ കുടുങ്ങി. ചെറുപുഴ പുതിയ പാലത്തിനടുത്ത് അരിയിരുത്തിയില്‍ താമസിക്കുന്ന തട്ടാപറമ്പില്‍ ഷാജഹാനാണ് കിണറ്റില്‍ കുടുങ്ങിയത്. 13 മീറ്ററോളം ആഴമുള്ള വീട്ടുകിണറ്റില്‍ വീണ ആടിനെ രക്ഷിക്കാന്‍ വേണ്ടി ഷാജഹാന്‍ കിണറ്റിലിറങ്ങുകയായിരുന്നു. ആടിനെ കരയ്ക്കു കയറ്റി വിട്ടതിനുശേഷം ഷാജഹാന് കിണറ്റില്‍ നിന്നു കരയ്ക്കു കയറാന്‍ കഴിഞ്ഞില്ല. അവശനായതിനെ തുടര്‍ന്ന് നാട്ടുകാര്‍ പെരിങ്ങോം ഫയര്‍ഫോഴ്‌സിനെ വിളിക്കുകയും ഫയര്‍ഫോഴ്‌സ് ഷാജഹാനെ കരയ്ക്കു കയറ്റി രക്ഷിക്കുകയുമായിരുന്നു.