തളിപ്പറമ്പ്: മീസില്‍സ് റുബെല്ലാ വാക്‌സിന്‍ കുത്തിവയ്പ്പിനെത്തിയ സംഘത്തെ തടഞ്ഞുവച്ചു. വ്യാഴാഴ്ച ഉച്ചയോടെ പട്ടുവംകടവ് ജി.എല്‍.പി സ്‌കൂളിലാണ് സംഭവം. പട്ടുവം പി.എച്ച്.സിയിലെ ജീവനക്കാരെയാണ് ഒരു സംഘം ആളുകള്‍ തടഞ്ഞുവച്ച് തെറിവിളിച്ചത്. പട്ടുവം പി.എച്ച്.സി മെഡിക്കല്‍ ഓഫിസറുടെ പരാതിയില്‍ തളിപ്പറമ്പ് പൊലിസ് സ്ഥലത്തെത്തി. മൂന്നുപേര്‍ക്കെതിരെയാണ് പരാതി. പൊലിസ് അന്വേഷണം നടത്തിവരികയാണ്. കലക്ടര്‍ പറഞ്ഞാലൊന്നും ഇവിടെ കുത്തിവയ്‌പ്പെടുക്കാന്‍ അനുവദിക്കില്ലെന്ന് സംഘം ആക്രോശിച്ചതായി ജീവനക്കാര്‍ പറഞ്ഞു.