കൃഷ്ണഗിരി: 23 വയസിന് താഴെയുള്ളവരുടെ സി.കെ നായിഡു ക്രിക്കറ്റ് ടൂര്‍ണമെന്റിന്റെ ഗ്രൂപ്പ് ബിയില്‍ കേരളം- തമിഴ്‌നാട് മത്സരം ഇന്ന് ആരംഭിക്കും. വയനാട് കൃഷ്ണഗിരി സ്റ്റേഡിയത്തില്‍ ഇന്ന് മുതല്‍ 14 വരെയാണ് മത്സരം.
കഴിഞ്ഞ മൂന്ന് മത്സരങ്ങളില്‍ നിന്നായി നാല് പോയിന്റോടെ നാലാം സ്ഥാനത്താണ് കേരളം. മൂന്ന് കളികളില്‍ നിന്ന് 16 പോയിന്റോടെ ഒന്നാം സ്ഥാനത്താണ് തമിഴ്‌നാട്. കഴിഞ്ഞ മാസം 26ന് കൃഷ്ണഗിരിയില്‍ നടന്ന മുംബൈ കേരള- മത്സരം സമനിലായിരുന്നു. കേരള ടീം: ഫാബിദ് ഫാറൂഖ് അഹമ്മദ് (ക്യാപ്റ്റന്‍) , രോഹന്‍ എസ് കുന്നുമ്മല്‍, ആനന്ദ് കൃഷ്ണന്‍, അല്‍ബിന്‍ ഏലിയാസ്, സല്‍മാന്‍ നിസാര്‍, അക്ഷയ് കെ.സി, സിജോമോന്‍ ജോസഫ്, വിഷ്ണുരാജ് (വിക്കറ്റ് കീപ്പര്‍), ആത്തിഫ് ബിന്‍ അഷ്‌റഫ്, ഫാനൂസ് എഫ്, റബിന്‍ കൃഷ്ണ, വിശാഖ് ചന്ദ്രന്‍, അനുജ് ജോട്ടിന്‍, ആനന്ദ് ജോസഫ്, ഡാരില്‍ എസ് ഫെരാരിയോ.
മാനേജര്‍- യു മനോജ്, കോച്ച്- രാംപ്രകാശ്, എം. രാജഗോപാല്‍, അസിസ്റ്റന്റ് കോച്ച്- ജിതിന്‍ ഫ്രാന്‍സിസ്, ഫിസിയോ- ഉണ്ണികൃഷ്ണന്‍, ട്രെയിനര്‍- സേനാപതി.