തിരുവനന്തപുരം: പൈലറ്റിന് ദേഹാസ്വാസ്ഥ്യം അനുഭവപ്പെട്ടതിനെത്തുടര്‍ന്ന് വിമാനം അടിയന്തിരമായി നിലത്തിറക്കി. തിരുവനന്തപുരം- ദോഹ ഖത്തര്‍ എയര്‍വൈസിന്റെ QR 507 വിമാനമാണ് ഗോവ വിമാനത്താവളത്തില്‍ അടിയന്തിര ലാന്റിങ് നടത്തിയത്.

തിരുവനന്തപുരത്തു നിന്നും ഇന്നു പുലര്‍ച്ച നാലു മണിക്കായിരുന്നു വിമാനം പുറപ്പെട്ടിരുന്നത്. തുടര്‍ന്ന് ആകാശത്ത് വച്ച് തനിക്ക് മോഹാലസ്യമനുഭവപ്പെട്ട പൈലറ്റ് ഗോവയില്‍ അടിയന്തിര ലാന്റിങിന് അനുമതി തേടുകയായിരുന്നു.