കിഴിശ്ശേരി: ദേശീയ ഗ്രാമീണ തൊഴിലുറപ്പ് പദ്ധതിയുടെ ഭാഗമായി അടുത്ത ജൂണ്‍ അഞ്ചിന് പരിസ്ഥിതി ദിനത്തില്‍ വിതരണം ചെയ്യാന്‍ ആവശ്യമായ ഫലവൃക്ഷത്തൈകള്‍ ലഭ്യമാക്കുന്നതിനായുള്ള നഴ്‌സറിയുടെ ഉദ്ഘാടനം മുതുവല്ലൂര്‍ പഞ്ചായത്ത് പ്രസിഡന്റ് കെ.എ സഗീര്‍ നിര്‍വഹിച്ചു. ബ്ലോക്ക് അംഗം എം.പി മുഹമ്മദ് അധ്യക്ഷനായി. ജനപ്രതിനിധികളായ റഹ്മ മുജീബ്, സി.രശ്മി, ബി.ഡി.ഒ ഹമീദ, ഹരിരാജന്‍, ജയന്തി ഗോപാല കൃഷ്ണന്‍, റാണി, കൃഷി ഓഫിസര്‍ സൈഫുന്നീസ, അസ്ഹര്‍, റിയാസ്, ജലീല്‍, സ്മിത, വി.ഇ.ഒ സുമേഷ് സംസാരിച്ചു.