കണ്ണൂര്‍: രണ്ടു ദിവസമായി കണ്ണൂരില്‍ നടന്നുവന്ന റവന്യൂ ജില്ലാ ശാസ്‌ത്രോത്സവം സമാപിച്ചു. 44,740 പോയിന്റോടെ ഇരിട്ടി ഉപജില്ല ജേതാക്കളായി. 43,712 പോയിന്റോടെ കണ്ണൂര്‍ നോര്‍ത്ത് ഉപജില്ല രണ്ടാം സ്ഥാനത്തും 42,890 പോയിന്റോടെ മാടായി ഉപജില്ല മൂന്നാം സ്ഥാനത്തുമെത്തി. സമാപന സമ്മേളനം ജില്ലാ പഞ്ചായത്ത് പ്രസിഡന്റ് കെ.വി സുമേഷ് ഉദ്ഘാടനം ചെയ്തു. കോര്‍പറേഷന്‍ ഡെപ്യൂട്ടി മേയര്‍ കെ.കെ രാഗേഷ് അധ്യക്ഷനായി. വെള്ളോറ രാജന്‍, പി.പി ബാബു, കെ.ടി സാജിത് സംസാരിച്ചു.