കണ്ണൂര്‍: 'കണ്ണുകാണാത്തവരുടെ കണ്ണുമായി' ശാസ്ത്രമേളയില്‍ കുട്ടി ശാസ്ത്രജ്ഞര്‍. ആന്‍ ഐ ഫോര്‍ ദി ബ്ലൈന്റ് എന്ന പേരില്‍ സെന്‍സറാണ് കെ.പി.സി ഹയര്‍സെക്കന്‍ഡറി പട്ടാനൂര്‍ സ്‌കൂള്‍ വിദ്യാര്‍ഥികളായ വൈശാഖ് രമേശനും ദീപു കൃഷ്ണനും ഹയര്‍സെക്കന്‍ഡറി വിഭാഗം സ്റ്റില്‍മോഡല്‍ലില്‍ പ്രദര്‍ശിപ്പിച്ചത്.
കണ്ണ് കാണാത്തവരുടെ ശരീരത്തില്‍ വിവിധ സ്ഥലങ്ങളില്‍ ഘടിപ്പിക്കുന്ന ഈ സെന്‍സര്‍ നടക്കുന്ന വഴിയില്‍ തടസം നേരിടുമ്പോള്‍ സൂചന നല്‍കും. തടസം അടുത്തെത്തുമ്പോള്‍ സൂചനയില്‍ മാറ്റം വരും. തടസത്തിന്റെ ദൂരം വലിപ്പം എന്നിവ ബ്ലൂടൂത്ത് വഴി ഇയര്‍ ഫോണില്‍ കേള്‍ക്കാം. മൈക്രോ പ്രിന്റിങിലൂടെ നിര്‍മിക്കുന്ന അഞ്ച് സെന്‍സറിന് അഞ്ഞൂറ് രൂപ മാത്രമാണ് ചെലവ്.