ചെറുവത്തൂര്‍: കാര്‍ഷിക വികസന കര്‍ഷക ക്ഷേമ വകുപ്പ് ജില്ലാതല കര്‍ഷക സെമിനാര്‍ നാളെ പിലിക്കോട് പ്രാദേശിക കാര്‍ഷിക ഗവേഷണ കേന്ദ്രത്തില്‍ നടക്കും. മിനി റൈസ് മില്‍ മുതല്‍ ട്രാക്ടര്‍ വരെയുള്ള വിവിധ ഉപകരണങ്ങളും കര്‍ഷകര്‍ക്കു ലഭിക്കുന്ന സാമ്പത്തിക സഹായങ്ങളും പരിചയപ്പെടുത്തും.
രാവിലെ 9.30ന് എം. രാജഗോപാലന്‍ എം.എല്‍.എ ഉദ്ഘാടനം ചെയ്യും. യന്ത്രവത്കരണത്തിനുള്ള സാമ്പത്തിക സഹായങ്ങളെകുറിച്ചു ഷേര്‍ളി ജോര്‍ജ് വിശദീകരിക്കും. കാര്‍ഷിക യന്ത്രവത്കരണത്തിന്റെ പ്രസക്തി, വികേന്ദ്രീകൃത നെല്ല് സംസ്‌കരണവും വിപണന സാധ്യതകളും, മിനി റൈസ് മില്‍ പ്രവര്‍ത്തനവും പരിശീലനവും എന്നീ വിഷയങ്ങളില്‍ ഡോ.പി.ആര്‍ സുരേഷ്, പി.കെ രാധാകൃഷ്ണന്‍, വിജേഷ് എന്നിവര്‍ ക്ലാസെടുക്കും. ട്രാക്ടര്‍, ടില്ലര്‍, കൊയ്ത്ത് യന്ത്രം എന്നിവയുടെ പ്രവര്‍ത്തന പരിശീലനവും നടക്കും