ഫറോക്ക്: നാദാപുരം തൂണേരിയിലെ യൂത്ത് ലീഗ് പ്രവര്‍ത്തകന്‍ അസ്‌ലമിനെ വെട്ടിക്കൊലപ്പെടുത്തിയ സംഭവത്തില്‍ വ്യാപക പ്രതിഷേധം. സി.പി.എമ്മിന്റെ കൊലപാതക രാഷ്ട്രീയത്തിനെതിരേ ഫറോക്ക്, ചെറുവണ്ണൂര്‍, രാമനാട്ടുകര, അരക്കിണര്‍, ചാലിയം മേഖലകളില്‍ യൂത്ത് ലീഗിന്റെ നേതൃത്വത്തില്‍ നടന്ന പ്രതിഷേധ പ്രകടനത്തില്‍ യുവജന രോഷമിരമ്പി.
ഫറോക്ക് ടൗണില്‍ മുനിസിപ്പല്‍ യൂത്ത് ലീഗിന്റെ നേതൃത്വത്തില്‍ നടന്ന പ്രകടനത്തില്‍ പ്രസിഡന്റ് ഷംസീര്‍ പാണ്ടികശാല, സെക്രട്ടറി റഹൂഫ് പുറ്റെക്കാട്, പി.കെ അബ്ദുല്‍ സലാം, കെ.എം ഹനീഫ, കെ.ടി മുഹമ്മദ് ഷരീഫ്, കുടുക്കന്‍ അബ്ദുല്‍ സലാം, പി.കെ സഹീര്‍, മമ്മു വേങ്ങാട്, പി.കെ ജഅ്ഫര്‍ നേതൃത്വം നല്‍കി.
അത്തോളി: ഷിബിന്‍ വധക്കേസില്‍ നിരപരാധിയായ തൂണേരി കാളിയപറമ്പത്ത് അസ്‌ലമിനെ അരുംകൊല ചെയ്തതില്‍ പ്രതിഷേധിച്ച് മുസ്‌ലിം ലീഗ് അത്തോളി പഞ്ചായത്ത് കമ്മിറ്റി പ്രകടനം നടത്തി. കാഞ്ഞിരോളി മുഹമ്മദ് കോയ, ആയിനിപുറത്ത് അബ്ദുറഹിമാന്‍, ഒ.കെ ആലി, കെ.ടി.കെ ബഷീര്‍, കെ.എം അസീസ്, ഒ.കെ അഷ്‌റഫ്, അഫ്‌സല്‍ കൂമുള്ളി, എന്‍.എ റഈസുദ്ധീന്‍ വാഹിദ് നേതൃത്വം നല്‍കി.