വളപ്പട്ടണം: അഴീക്കലില്‍ ബി.ജെ.പി-സി.പി.എം സംഘര്‍ഷത്തില്‍ രണ്ട് സി.പി.എം പ്രവര്‍ത്തകര്‍ക്ക് പരുക്ക്. ബി.ജെ.പി പ്രവര്‍ത്തകന്റെ വീട് ആക്രമിച്ചു. നീര്‍ക്കടവില്‍ നിന്ന് പയ്യാമ്പലത്തേക്ക് ബൈക്കില്‍ വരികയായിരുന്ന സി.പി.എം പ്രവര്‍ത്തകരെ ഒരു സംഘം ബി.ജെ.പി പ്രവര്‍ത്തകര്‍ ആക്രമിച്ചുവെന്നാണ് പരാതി.
അതിന്റെ തുടര്‍ച്ചയായി ഇന്നലെ അര്‍ധരാത്രിയോടെ അഴീക്കല്‍ ജാനകി റോഡിലെ ജ്യോതിഷിന്റെ വൈശാഖം എന്ന വീടിന് നേരെയാണ് അക്രമം നടന്നത്. വീടിന്റെ മൂന്ന് ജനല്‍ ചില്ലുകള്‍ തകര്‍ന്നു. ജ്യോതിഷിന്‍ മകന്‍ വൈശാഖ് സജീവ ബി.ജെ.പി പ്രവര്‍ത്തകനാണ്.