പാവന്നൂര്‍: സമസ്ത കേരള ജംഇയ്യത്തുല്‍ ഉലമ നമ്മുടെ ഇരുലോക വിജയത്തിനുള്ള നേര്‍മാര്‍ഗമാണെന്നും അതില്‍ പ്രവര്‍ത്തിക്കാന്‍ കഴിയുന്നത് ഇലാഹിയ്യായ തൗഫീഖ് ആണെന്നും സമസ്ത ജന.സെക്രട്ടറി ആലിക്കുട്ടി ഉസ്താദ് പറഞ്ഞു. പാവന്നൂര്‍ ശാഖാ മജ്‌ലിസുന്നൂര്‍ രണ്ടാം വാര്‍ഷികസംഗമത്തില്‍ സംസാരിക്കുകയായിരുന്നു അദ്ദേഹം. മുനീര്‍ ഹുദവി വിളയില്‍ മുഖ്യപ്രഭാഷണം നടത്തി. ജമാഅത്ത് പ്രസിഡന്റ് പി.പി അബ്ദുല്ലക്കുട്ടി അധ്യക്ഷനായി. ഖത്വീബ് നിസാര്‍ അല്‍ഖാസിമി ഉദ്ഘാടനം ചെയ്തു. മദ്‌റസപുനര്‍നിര്‍മാണ ഫണ്ട് ഉദ്ഘാടനം ഹംസ എക്യാലില്‍ നിന്ന് സ്വീകരിച്ച് ആലിക്കുട്ടി ഉസ്താദ് ഉദ്ഘാടനം ചെയ്തു. ശാഹുല്‍ ഹമീദ് ബാഖവി വേശാല മജ്‌ലിസുന്നൂറിന് നേതൃത്വം നല്‍കി. അബ്ദുല്‍ നാസര്‍ ഫൈസി, അന്‍സാര്‍ സി.പി സംസാരിച്ചു. മേഖലാ സെക്രട്ടറി സുബൈര്‍ ദാരിമി, അബ്ദുശ്ശുക്കൂര്‍ വി.പി, മുജീബ് നിസാമി, മുഷ്താഖ് ദാരിമി, ജംഷീര്‍ അസ്ഹരി, താജുദ്ദീന്‍, ഇസ്മാഈല്‍, അബ്ദുറഹീം, ജംഷീര്‍ ടി.വി പങ്കെടുത്തു.