ഷിംല: കഴിഞ്ഞ ദിവസം നടന്ന ഹിമാചല്‍പ്രദേശ് നിയമസഭാ തെരഞ്ഞെടുപ്പില്‍ പുരുഷന്മാരെക്കാള്‍ വോട്ട് രേഖപ്പെടുത്തിയത് സ്ത്രീകള്‍. വോട്ടര്‍പട്ടികയില്‍ സ്ത്രീകളെക്കാള്‍ 74,200 പുരുഷന്മാര്‍ ഉണ്ടെങ്കിലും പോളിങ്ങില്‍ കൂടുതല്‍ പങ്കെടുത്തത് സ്ത്രീകളാണ്. ആകെ 19,10,582 സ്ത്രീകള്‍ തങ്ങളുടെ സമ്മതിദാനാവകാശം വിനിയോഗിച്ചപ്പോള്‍ 18,11,061 പുരുഷന്മാരാണ് വോട്ട് രേഖപ്പെടുത്തിയത്. കഴിഞ്ഞ ദിവസം നടന്ന വോട്ടെടുപ്പില്‍ 74.61 ശതമാനം പോളിങ്ങാണ് രേഖപ്പെടുത്തിയിരുന്നത്.