ശ്രീനഗര്‍: സ്വതന്ത്ര കശ്മിര്‍ എന്ന താല്‍പര്യം സ്വപ്നം മാത്രമാണെന്നും അതു നടക്കാന്‍ പോകുന്നില്ലെന്നും ജമ്മു കശ്മിര്‍ മുന്‍ മുഖ്യമന്ത്രി ഫാറൂഖ് അബ്ദുല്ല. ഇന്ത്യയും പാകിസ്താനും ചൈനയുംകൂടി മൂന്നു ഭാഗത്തുനിന്നു കശ്മിരിനെ ലോക്ക് ചെയ്തിരിക്കുകയാണെന്നും അദ്ദേഹം ആരോപിച്ചു.
ഈ മൂന്നു രാജ്യങ്ങളുടെ പക്കലും ആറ്റം ബോംബുകളുണ്ടെന്നും ദൈവത്തെ മാത്രമാണ് നമുക്കു സമീപിക്കാനാകുകയെന്നും അദ്ദേഹം പറഞ്ഞു. സ്വതന്ത്ര കശ്മിരെന്ന വാദമുയര്‍ത്തുന്നവര്‍ക്കു ശരിക്കും തെറ്റുപറ്റിയെന്നും അദ്ദേഹം കൂട്ടിച്ചേര്‍ത്തു. ഇന്ത്യയെയും പാകിസ്താനെയും ശക്തമായി വിമര്‍ശിക്കാനും ഫാറൂഖ് അബ്ദുല്ല സമയം കണ്ടെത്തി. ഇന്ത്യ കശ്മിരിനോടു വിശ്വാസവഞ്ചന കാണിച്ചെന്നായിരുന്നു അദ്ദേഹത്തിന്റെ ആരോപണം.