റിയാദ്: അഴിമതി വിരുദ്ധ പോരാട്ടത്തില്‍ നിര്‍ണായക തീരുമാനങ്ങള്‍ കൊണ്ട് വന്നതിനു പുറമെ കൈക്കൂലി ഇല്ലായ്മ ചെയ്യാനുള്ള നിയമഭേദഗതിക്കൊരുങ്ങി സഊദി ശൂറാ കൗണ്‍സില്‍.
കാല്‍ നൂറ്റാണ്ടു മുന്‍പുള്ള നിയമം പൊളിച്ചെഴുതി ഭേദഗതി വരുത്തി ശക്തമായ നിയമ നിര്‍മാണം നടത്തുകയാണ് ലക്ഷ്യം. അടുത്ത ബുധനാഴ്ച്ച നടക്കുന്ന ശൂറാ കൗണ്‍സില്‍ യോഗത്തിലാണ് ഇവ ചര്‍ച്ചക്കെടുക്കുകയെന്നു ബന്ധപ്പെട്ടവര്‍ സൂചന നല്‍കി.
നിലവില്‍ കൈക്കൂലി കേസില്‍ 27 വര്‍ഷം മുന്‍പുള്ള നിയമമാണ് അവലംബിക്കുന്നത്. ഇതിനു മാറ്റം വരുത്തി ശക്തമായ പരിഷ്‌കരണമാണ് അധികൃതര്‍ ലക്ഷ്യമിടുന്നത്.