മോസ്‌കോ: സിറിയയില്‍ ഐ.എസിനെതിരേ ഒരുമിച്ച് പോരാടാന്‍ ട്രംപ് പുടിന്‍ കൂടിക്കാഴ്ചയില്‍ ധാരണ. ഐ.എസിന്റെ അവസാനംവരെ പോരാടുമെന്ന് ഇരുവരും പറഞ്ഞതായി റഷ്യ പുറത്തിറക്കിയ പ്രസ്താവനയില്‍ പറഞ്ഞു. ഏഷ്യ പസഫിക് രാഷ്ട്രങ്ങളുടെ ഉച്ചകോടിക്കിടെയാണ് ഇരു നേതാക്കളും കൂടിക്കാഴ്ച നടത്തിയത്.
സിറിയയിലെ പ്രശ്‌നങ്ങള്‍ പരിഹരിക്കാന്‍ സൈനിക ഇടപെടല്‍ പരിഹാരമല്ലെന്നും ജനീവ കരാറില്‍ എല്ലാ വിഭാഗങ്ങളും പങ്കാളികളാവണമെന്ന് ഇരുവരും ആവശ്യപ്പെട്ടതായി റഷ്യ അറിയിച്ചു.
എന്നാല്‍ കൂടിക്കാഴ്ചയെ സംബന്ധിച്ച് വൈറ്റ് ഹൗസ് ഇതുവരെ പ്രതികരിച്ചിട്ടില്ല. സിറിയയിലെ വിഷയങ്ങള്‍ ചര്‍ച്ച ചെയ്യാനായി റഷ്യന്‍ വിദേശകാര്യ മന്ത്രി സെര്‍ജി ലവ്‌റോവും യു.എസ് സ്റ്റേറ്റ് സെക്രട്ടറി റെക്‌സ് ടില്ലേഴ്‌സണും തമ്മില്‍ വിയറ്റ്‌നാമില്‍ കൂടിക്കാഴ്ച നടത്തുമെന്നും റഷ്യ പറഞ്ഞു. ട്രംപിന്റെയും പുടിന്റെയും കൂടിക്കാഴ്ചയുടെ ചിത്രങ്ങള്‍ ടെലിവിഷനുകള്‍ പുറത്തുവിട്ടിട്ടുണ്ട്.