കോഴിക്കോട്: ജീവിതത്തിലൂടെ വിശുദ്ധി പകര്‍ന്ന് തലമുറകളെ സുകൃത പാതയില്‍ വഴിനടത്തിയവരെ ചരിത്രത്തില്‍ സ്മരിക്കപ്പെടുമെന്ന് സമസ്ത കേന്ദ്ര മുശാവറ അംഗവും നന്തി ദാറുസ്സലാം ജനറല്‍ സെക്രട്ടറിയുമായ എ.വി അബ്ദുറഹിമാന്‍ മുസ്‌ലിയാര്‍ പറഞ്ഞു. പെരുമണ്ണ ജാമിഅ ബദ്‌രിയ്യ ക്യാംപസില്‍ ബദ്‌രിയ്യ പൂര്‍വ വിദ്യാര്‍ഥികള്‍ സംഘടിപ്പിച്ച പൊന്മള ഫരീദ് മുസ്‌ലിയാര്‍ അനുസ്മരണ സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. സയ്യിദ് ശാഹുല്‍ ഹമീദ് അല്‍ അസ്ഹരി കടലുണ്ടി അധ്യക്ഷനായി.
സയ്യിദ് സൈനുല്‍ ആബിദീന്‍ തങ്ങള്‍ പാണക്കാട് അനുഗ്രഹ പ്രഭാഷണവും കോഡൂര്‍ അബ്ദുല്‍ ഖാദിര്‍ മുസ്‌ലിയാര്‍ ആമുഖഭാഷണവും നിര്‍വഹിച്ചു. ഇസ്മാഈല്‍ മുസ്‌ലിയാര്‍ പാണക്കാട്, യൂസുഫ് മുസ്‌ലിയാര്‍ കരീറ്റിപറമ്പ്, അബു മുസ്‌ലിയാര്‍ മാനിപുരം, പി.വി അബ്ദുറഹിമാന്‍ മുസ്‌ലിയാര്‍ വട്ടോളി, ടി.എ ഹുസൈന്‍ ബാഖവി പെരുമണ്ണ, അബ്ദുല്‍ കരീം ബാഖവി പൊന്മള, ഹാരിസ് ബാഖവി കമ്പളക്കാട്, അബ്ദുറഹിമാന്‍ ഫൈസി പൊന്മള, നെട്ടാക്കല്‍ ആലി ഹാജി, മഞ്ഞപ്പാറ അബ്ദുറഹിമാന്‍ ഹാജി, കെ.അബ്ദുറഹിമാന്‍ സംസാരിച്ചു. ടി.വി സൈദ് മുസ്‌ലിയാര്‍ എളേറ്റില്‍ മുഖ്യ പ്രഭാഷണം നടത്തി. കോളശ്ശേരി എ.എം. മുല്ലക്കോയ തങ്ങള്‍ പ്രാര്‍ഥന നടത്തി. ഹാഫിള് ജുനൈദ് ബാഖവി കൊടിഞ്ഞി സ്വാഗതവും സ്വാലിഹ് ബാഖവി വട്ടോളി നന്ദിയും പറഞ്ഞു.