ലണ്ടന്‍: അന്താരാഷ്ട്ര സൗഹൃദ ഫുട്‌ബോള്‍ പോരാട്ടത്തില്‍ കരുത്തരായ അര്‍ജന്റീന വിജയം സ്വന്തമാക്കിയപ്പോള്‍ ജര്‍മനിയും ഇംഗ്ലണ്ടും തമ്മിലുള്ള മത്സരം ഗോള്‍രഹിത സമനിലയില്‍ പിരിഞ്ഞു. മറ്റ് മത്സരങ്ങളില്‍ പോര്‍ച്ചുഗല്‍ 3-0ത്തിന് സഊദി അറേബ്യയേയും ഫ്രാന്‍സ് 2-0ത്തിന് വെയ്ല്‍സിനേയും പരാജയപ്പെടുത്തി. പോളണ്ട്- ഉറുഗ്വെ പോരാട്ടം ഗോള്‍രഹിതമായി പിരിഞ്ഞപ്പോള്‍ ബെല്‍ജിയം- മെക്‌സിക്കോ പോരാട്ടം 3-3നും സമനിലയില്‍ അവസാനിച്ചു.
കളിയുടെ അവസാന നിമിഷം വരെ ഗോള്‍രഹിതമായ പോരാട്ടത്തിന്റെ 86ാം മിനുട്ടില്‍ സെര്‍ജിയോ അഗ്യെറോ നേടിയ ഏക ഗോളില്‍ അര്‍ജന്റീന റഷ്യയെ പരാജയപ്പെടുത്തുകയായിരുന്നു. നിരവധി ഗോളവസരങ്ങള്‍ സൃഷ്ടിച്ചാണ് ഇംഗ്ലണ്ടും ജര്‍മനിയും വെംബ്ലിയില്‍ ഗോളടിക്കാതെ പിരിഞ്ഞത്. മത്സരം 90 മിനുട്ടും ആവേശകരമായി.